ഇംഗ്ലണ്ട് സ്പിന്നര്‍ ഡൊമിനിക് ബെസ്സ് ഈ സീസണ്‍ അവസാനത്തോടെ സോമര്‍സെറ്റ് ക്ലബ് വിടും. കൗണ്ടിയ്ക്കായി 26 ഫസ്റ്റ് ക്ലാസ് മത്സരങ്ങള്‍ കളിച്ചിട്ടുള്ള താരം 79 വിക്കറ്റും 757 റണ്‍സും നേടിയിരുന്നു. ഈ പ്രകടനങ്ങളാണ് താരത്തിന് ഇംഗ്ലണ്ട് ടീമിലേക്ക് ഇടം കിട്ടിയത്. വളരെ പ്രയാസമേറിയ തീരുമാനം ആണ് ഇതെന്നും ഈ ടീമില്‍ തനിക്ക് ഏറെ മികച്ച സുഹൃത്തുക്കളുണ്ടെന്നും താന്‍ വളര്‍ന്ന് വന്നത് ഈ കൗണ്ടിയ്ക്കൊപ്പമാണെന്നും ബെസ്സ് പറഞ്ഞു.
സോമര്‍സെറ്റ് അക്കാഡമിയില്‍ നിന്നാണ് താരം വളര്‍ന്ന് വന്നത്. താരം നല്‍കിയ സേവനങ്ങള്‍ വളരെ മഹത്തരമാണെന്ന് ക്ലബ് പ്രതിനിധികള്‍ അറിയിച്ചു.
