ടെസ്റ്റ് നായകന്‍ ദിമുത് കരുണാരത്നേയ്ക്കെതിരെ ബോര്‍ഡുമായുള്ള കളിക്കാരുടെ കരാര്‍ ലംഘിച്ചതിനുള്ള പിഴയ ചുമത്തി ശ്രീലങ്കന്‍ ക്രിക്കറ്റ് ബോര്‍ഡ്. 7000 യുഎസ് ഡോളറാണ് പിഴയായി ബോര്‍ഡ് വിധിച്ചത്. കഴിഞ്ഞ ദിവസം മദ്യപിച്ച് വാഹനമോടിച്ചതിനു കരുണാരത്നെ ശ്രീലങ്കയില്‍ അറസ്റ്റിലായിരുന്നു. ഇതിനെത്തുടര്‍ന്നാണ് താരത്തിനെതിരെ പിഴ ചുമത്തുവാന്‍ ബോര്‍ഡ് തീരുമാനിച്ചത്.
എന്നാല്‍ താരം ഒരു കളിക്കാരനെന്ന നിലയില്‍ ഉയര്‍ന്ന നിലവാരം പുലര്‍ത്തിയിട്ടുള്ളതിനാല്‍ കൂടുതല്‍ നടപടികളുണ്ടാകില്ലെന്നും ബോര്‍ഡ് അറിയിച്ചു.
