ന്യൂസിലാണ്ട് ഓള്‍റൗണ്ടര്‍ കോറെ ആന്‍ഡേഴ്സണിന്റെ ടി20 ബ്ലാസ്റ്റ് കരാര്‍ റദ്ദാക്കി സോമര്‍സെറ്റ്. കൊറോണയുടെ പശ്ചാത്തലത്തിലാണ് ഈ തീരുമാനം. താരം ഈ ടി20 ബ്ലാസ്റ്റ് സീസണിലെ എല്ലാ മത്സരങ്ങളിലും ടീമിനായി കളിക്കാനിരുന്നതാണ്. ഇരുവരും നിലവിലെ സ്ഥിതിയ്ക്ക് അനുയോജ്യമായ തീരുമാനത്തിലേക്ക് എത്തുകയായിരുന്നുവെന്നും തീരുമാനം അംഗീകരിച്ചതിന് താരത്തോട് നന്ദി പറയുന്നുവെന്നും സോമര്‍സെറ്റ് ഡയറക്ടര്‍ വ്യക്തമാക്കി.
ഓഗസ്റ്റ് 1 വരെ ഇംഗ്ലണ്ടില്‍ ആഭ്യന്തര ക്രിക്കറ്റ് നിര്‍ത്തി വെച്ചിരിക്കുകയാണ്. ക്ലബുകളെല്ലാം ചെലവ് ചുരുക്കലിന്റെ ഭാഗമായി ഇത്തരത്തില്‍ വിദേശ താരങ്ങളുടെ കരാറുകള്‍ റദ്ദാക്കുകയാണ്.
