2025 ലെ ഐസിസി ചാമ്പ്യൻസ് ട്രോഫിക്കുള്ള ഇന്ത്യൻ ടീമിനെ നാളെ (ജനുവരി 18 ന്) ബിസിസിഐ പ്രഖ്യാപിക്കും. സെലക്ഷൻ കമ്മിറ്റി ചെയർമാൻ അജിത് അഗാർക്കർ നാളെ പത്രസമ്മേളനത്തിലൂടെ ആകും ടീം പ്രഖ്യാപിക്കുക.
ഫെബ്രുവരി 19 ന് പാകിസ്ഥാനിൽ ആണ് ചാമ്പ്യൻസ് ട്രോഫി ആരംഭിക്കുന്നത്, രണ്ട് ഗ്രൂപ്പുകളിലായി എട്ട് ടീമുകൾ കിരീടത്തിനായി പോരാടും.
ഇംഗ്ലണ്ടിന് എതിരായ ഏകദിന പരമ്പരക്കുള്ള ടീമും ഇന്ത്യ നാളെ പ്രഖ്യാപിക്കും. ജസ്പ്രീത് ബുംറ, കുൽദീപ് യാദവ് തുടങ്ങിയ പ്രധാന കളിക്കാരെ ചുറ്റിപ്പറ്റിയുള്ള ഫിറ്റ്നസ് ആശങ്കകൾ സെലക്ഷൻ പ്രക്രിയയിൽ നിർണായകമായി തുടരുന്നു.
കരുൺ നായരുടെ വിജയ് ഹസാരെ ട്രോഫിയിലെ മികച്ച പ്രകടനം സെലക്ഷൻ കമ്മിറ്റി പരിഗണുക്കുമോ എന്നും ഏവരും ഉറ്റുനോക്കുന്നു.
