സൽമാന്‍ ‍നിസാറിന്റെ വെടിക്കെട്ട്, ജയവുമായി ബികെ55യ്ക്ക് മടക്കം

Sports Correspondent

Bk55
Download the Fanport app now!
Appstore Badge
Google Play Badge 1

സെലസ്റ്റിയൽ ട്രോഫിയിൽ നിന്ന് സെമി കാണാതെ പുറത്തായെങ്കിലും സൽമാന്‍ നിസാറിന്റെ വെടിക്കെട്ട് ബാറ്റിംഗ് പ്രകടനത്തിന്റെ ബലത്തിൽ ആലപ്പി സിസിയ്ക്കെതിരെ മിന്നും വിജയം കുറിച്ച് ബികെ55. ഇന്ന് സെയിന്റ് സേവിയേഴ്സ് തുമ്പയിൽ നടന്ന മത്സരത്തിൽ ആദ്യം ബാറ്റ് ചെയ്ത ആലപ്പി സിസി 25.1 ഓവറിൽ 139 റൺസിന് ഓള്‍ഔട്ട് ആയപ്പോള്‍ 13.1 ഓവറിൽ 4 വിക്കറ്റ് നഷ്ടത്തിൽ 140 റൺസ് നേടി ബികെ55 വിജയം കുറിച്ചു.

Salmannizar

സൽമാന്‍ നിസാര്‍ 42 പന്തിൽ പുറത്താകാതെ 93 റൺസ് നേടിയപ്പോള്‍ 18 പന്തിൽ 24 റൺസ് നേടിയ ഒമര്‍ അബൂബക്കര്‍ ആണ് മറ്റൊരു പ്രധാന സ്കോറര്‍. 11 ഫോറും 5 സിക്സും അടങ്ങിയതായിരുന്നു സൽമാന്‍ നിസാറിന്റെ വെടിക്കെട്ട് പ്രകടനം.

നേരത്തെ ആദ്യം ബാറ്റ് ചെയ്ത ആലപ്പി സിസിയ്ക്കായി 48 റൺസ് നേടിയ നന്ദുലാല്‍ ആണ് ടോപ് സ്കോറര്‍. അഗസ്ത്യ രാമ(22), ദേവാദിത്യന്‍(23), ആകാശ് രാധാകൃഷ്ണന്‍(20) എന്നിവരാണ് മറ്റു പ്രധാന സ്കോറര്‍മാര്‍. ബികെ55യ്ക്കായി അക്ഷയ് ചന്ദ്രന്‍ 5 വിക്കറ്റും വിനൂപ് മനോഹര്‍ 3 വിക്കറ്റും നേടി.