ബോയ്സിനെതിരെ 8 വിക്കറ്റ് ജയവുമായി റീജ്യന്‍സ്

- Advertisement -

ബോയ്സ് സിസിയ്ക്കെതിരെ 8 വിക്കറ്റഅ ജയം സ്വന്തമാക്കി റീജ്യന്‍സ് സിസി. ഇന്ന് മെഡിക്കല്‍ കോളേജ് ഗ്രൗണ്ടില്‍ നടന്ന മത്സരത്തില്‍ ടോസ് നേടി ബാറ്റിംഗ് തീരുമാനിച്ച ബോയ്സ് സിസിയ്ക്ക് മികച്ച തുടക്കം ലഭിച്ചില്ല. ഓപ്പണര്‍ ധീരജ് പ്രേം ഒരു വശത്ത് പൊരുതി നിന്നുവെങ്കിലും മറുവശത്ത് വിക്കറ്റുകള്‍ തുടരെ വീണത് ടീമിന്റെ സ്കോറിനെ വല്ലാതെ ബാധിച്ചു. ധീരജ് പ്രേം(41) പുറത്താകുമ്പോള്‍ ടീം സ്കോര്‍ 79/4 എന്ന നിലയിലാണ്. 90/7 എന്ന നിലയിലേക്ക് വീണ ബോയ്സിനെ പൊരുതാവുന്ന സ്കോറിലേക്ക് നയിച്ചത് അഭിലാഷ് എംആര്‍ ആയിരുന്നു. 37 റണ്‍സാണ് അഭിലാഷ് നേടിയത്. 30 ഓവറില്‍ 153 റണ്‍സിനു ബോയ്സ് പുറത്താവുകയായിരുന്നു.

റീജ്യന്‍സിനു വേണ്ടി പ്രശാന്ത് നാലും കാര്‍ത്തിക്, ജീവന്‍ എന്നിവര്‍ രണ്ട് വീതം വിക്കറ്റും നേടി.

19.1 ഓവറില്‍ വെറും രണ്ട് വിക്കറ്റ് നഷ്ടത്തിനാണ് റീജ്യന്‍സ് സിസി തങ്ങളുടെ വിജയം കരസ്ഥമാക്കിയത്. ഓപ്പണര്‍ മഹേഷ് ആന്റണി 74 റണ്‍സ് നേടി ടീമിന്റെ വിജയത്തില്‍ ശ്രദ്ധേയമായ പങ്കുവഹിക്കുകയായിരുന്നു. ലിനു പുറത്താകാതെ 28 റണ്‍സും ജീവന്‍ നിര്‍മ്മല്‍ 22 റണ്‍സും റീജ്യന്‍സിനു വേണ്ടി നേടി. തന്റെ ബാറ്റിംഗ് മികവിനു മഹേഷ് ആന്റണിയാണ് കളിയിലെ താരമായി തിരഞ്ഞെടുക്കപ്പെട്ടത്. ബോയ്സിനു വേണ്ടി നിരഞ്ജന്‍ രണ്ട് വിക്കറ്റ് വീഴ്ത്തി.

കൂടുതൽ കായിക വാർത്തകൾക്ക് : www.facebook.com/FanportOfficial

Advertisement