primus mobile
primus mobile

കൂറ്റന്‍ ജയവുമായി സിക്സേര്‍സ്, 112 റണ്‍സ് ജയം

മുരുഗന്‍ സിസി എ ടീമിനെ 112 റണ്‍സിനു പരാജയപ്പെടുത്തി സിക്സേര്‍സ് സിസി. ഇന്ന് തിരുവനന്തപുരം മെഡിക്കല്‍ കോളേജ് ഗ്രൗണ്ടില്‍ നടന്ന മത്സരത്തില്‍ ടോസ് നേടിയ സിക്സേര്‍സ് ബാറ്റിംഗ് തിരഞ്ഞെടുത്തു. ഓപ്പണര്‍മാരായ രാകേഷ്(52), ഹസനുള്‍ ബെന്ന(55) എന്നിവരുടെ തകര്‍പ്പന്‍ ആദ്യ വിക്കറ്റ് കൂട്ടുകെട്ടും ലിബിന്‍ തോമസ്(32), അക്ഷയ് ശ്രീധര്‍(35), അഭിജിത്ത്(26*) എന്നിവരുടെ ബാറ്റിംഗ് മികവില്‍ ആദ്യം ബാറ്റ് ചെയ്ത സിക്സേര്‍സ് 26 ഓവറില്‍ 6 വിക്കറ്റ് നഷ്ടത്തില്‍ 232 റണ്‍സ് നേടുകയായിരുന്നു. മുരുഗന്‍ സിസിയ്ക്കായി വിനോദ് വിക്രമന്‍ രണ്ടും സത്യ നാരായണന്‍, ഹരിഹരന്‍, കൃഷ്ണന്നുണ്ണി എന്നിവര്‍ ഓരോ വിക്കറ്റും നേടി.

മറുപടി ബാറ്റിംഗിനിറങ്ങിയ മുരുഗന്‍ ക്രിക്കറ്റ് ക്ലബ്ബിനു 22.4 ഓവറില്‍ 120 റണ്‍സ് നേടാനേ ആയുള്ളു. 22 റണ്‍സ് നേടി ബാബു, ഗോകുല്‍ എന്നിവര്‍ ടീമിന്റെ ടോപ് സ്കോറര്‍മാരായി. ആറ് വിക്കറ്റ് നേടി ആര്‍ ഉണ്ണികൃഷ്ണന്‍ സിക്സേര്‍സിന്റെ അനായാസ വിജയം സാധ്യമാക്കി.

കൂടുതൽ കായിക വാർത്തകൾക്ക് : www.facebook.com/FanportOfficial