കാമറൺ ഗ്രീനിന്റെ തകര്‍പ്പന്‍ ശതകം, 9 വിക്കറ്റ് നഷ്ടത്തിൽ ഓസ്ട്രേലിയയ്ക്ക് 279 റൺസ്

ഓസ്ട്രേലിയയ്ക്ക് വെല്ലിംഗ്ടൺ ടെസ്റ്റിന്റെ ഒന്നാം ദിവസം അവസാനിക്കുമ്പോള്‍ 279 റൺസ്. 9 വിക്കറ്റ് നഷ്ടത്തിലാണ് ഓസ്ട്രേലിയ ഈ സ്കോര്‍ നേടിയത്. 103 റൺസ് നേടിയ കാമറൺ ഗ്രീന്‍ പൊരുതി നിന്നപ്പോള്‍ 40 റൺസ് നേടിയ മിച്ചൽ മാര്‍ഷും 33 റൺസ് നേടിയ ഖവാജയും 31 റൺസ് നേടിയ സ്റ്റീവന്‍ സ്മിത്തുമാണ് മറ്റു പ്രധാന സ്കോറര്‍മാര്‍.

മാറ്റ് ഹെന്‍റി ന്യൂസിലാണ്ടിനായി 4 വിക്കറ്റ് നേടിയപ്പോള്‍ വില്യം ഒറൗര്‍ക്കേയും സ്കോട്ട് കുജ്ജെലൈനും രണ്ട് വീതം വിക്കറ്റ് നേടി.