നാലാം ടെസ്റ്റിൽ ഇന്ത്യ ബുമ്രക്ക് വിശ്രമം നൽകിയതിനെ ചോദ്യം ചെയ്ത് സ്റ്റുവർട്ട് ബ്രോഡ്. ലോക ഒന്നാം നമ്പർ ടെസ്റ്റ് ബൗളർ ആയ ജസ്പ്രീത് ബുംറയ്ക്ക് വിശ്രമം അനുവദിച്ച ഇന്ത്യയുടെ തീരുമാനം മനസ്സിലാകുന്നില്ല എന്ന് ബ്രോഡ് പറഞ്ഞു. പരമ്പര 2-1 എന്ന് നിൽക്കെ നൽകിയ വിശ്രമം ഇന്ത്യക്ക് തിരിച്ചടിയായി മാറുകയാണ്‌ ഇപ്പോൾ.
“ഇംഗ്ലണ്ട് ഈ ടെസ്റ്റിൽ ഏറെ മുന്നിൽ നിൽക്കുന്നു. സ്പിന്നർമാർ കൃത്യമായി ബൗളിംഗ് ചെയ്യുന്നു, അസമമായ ബൗൺസ്. വിള്ളലുകൾ. ബൗളറുടെ സ്വപ്നം ആണ് ഈ പിച്ച്” ബ്രോഡ് പറഞ്ഞു
“350 റൺസ് എന്നത് ഈ ഗ്രൗണ്ടിൽ നേടേണ്ട ശരാശരി റണ്ണിലും 100 മുകളിൽ ആണെന്ന് ഞാൻ മനസ്സിലാക്കുന്നു. ഈ പരമ്പരയിൽ ടോസ് നിർണായകമാണെന്ന് തോന്നുന്നു. ആദ്യം ബാറ്റ് ചെയ്യുക, ഗെയിമിൽ ആധിപത്യം സ്ഥാപിക്കുക.” ബ്രോഡ് പറഞ്ഞു.
ബുംറക്ക് വിശ്രമം നൽകാനുള്ള തീരുമാനം മനസ്സിലാക്കാൻ കഴിയുന്നില്ല. കഴിഞ്ഞ ടെസ്റ്റിന്റെ രണ്ടാം ഇന്നിംഗ്സിൽ എട്ട് ഓവർ മാത്രമായിരുന്നു ബുമ്ര എറിഞ്ഞത്. ഈ മാറ്റം ഇംഗ്ലണ്ടിന് മുൻകൈ നൽകുന്നു” ബ്രോഡ് പറഞ്ഞു.
