ഐപിഎലില്‍ നിന്ന് ഇന്ത്യയുടെ ലോകകപ്പ് ബൗളര്‍മാര്‍ വിട്ട് നില്‍ക്കണമെന്ന് അഭിപ്രായപ്പെട്ട് മുന്‍ ഇന്ത്യന്‍ കോച്ച് അനില്‍ കുംബ്ലെ. ലോകകപ്പിന്റെ സമയത്ത് താരങ്ങളെ ഫ്രഷ് ആയി നിലനിര്‍ത്തുവാന്‍ ഐപിഎലില്‍ നിന്ന് വിട്ട് നില്‍ക്കുന്നതാണ് നല്ലതെന്നാണ് മുന്‍ നായകനും കോച്ചുമായിരുന്ന കുംബ്ലെ പറഞ്ഞത്. എല്ലാ മത്സരങ്ങളിലും കളിപ്പിക്കാതെ ചില മത്സരങ്ങളില്‍ മാത്രം കളിപ്പിക്കുന്നതാണ് ഏറ്റവും മികച്ച ഉപാധിയെന്നാണ് കുംബ്ലെ പറഞ്ഞത്.
എന്നാല്‍ ഇത് ഫ്രാഞ്ചൈസികള്‍ക്ക് താല്പര്യമുണ്ടാകില്ലെന്നും എന്നാല്‍ ഇന്ത്യയെ കരുതി ഇത് ചെയ്യേണ്ടതാണെന്നുമാണ് കുംബ്ലെ പറഞ്ഞത്. എന്നാല്‍ അതേ ചര്‍ച്ചയില്‍ പങ്കെടുത്ത ധോണി പറഞ്ഞത് ബൗളര്‍മാര്‍ക്ക് ഏറ്റവും അനുയോജ്യമായ സ്റ്റേജാണ് ഐപിഎല്‍ എന്നാണ്.
