ന്യൂസിലാണ്ട് വിക്കറ്റ് കീപ്പര്‍ ബാറ്റ്സ്മാന്‍ ബിജെ വാട്ളിംഗിനെ 2020 കൗണ്ടി ചാമ്പ്യന്‍ഷിപ്പിനായി കരാറിലെത്തിച്ച് ലങ്കാഷയര്‍. ഏപ്രിലില്‍ കെന്റിനെതിരെ ആരംഭിക്കുന്ന മത്സരം മുതല്‍ 9 ചാമ്പ്യന്‍ഷിപ്പ് മത്സരങ്ങളില്‍ താരം പങ്കെടുക്കും. ന്യൂസിലാണ്ടിനായി പല നിര്‍ണ്ണായക ഇന്നിംഗ്സുകള്‍ പുറത്തെടുത്ത് ടീമിന്റെ രക്ഷകനായി മാറിയിട്ടുള്ള താരമാണ് വാട്‍ളിംഗ്.
താരത്തിന്റെ ഫസ്റ്റ്-ക്ലാസ്സ് റെക്കോര്‍ഡും ടെസ്റ്റ് റെക്കോര്‍ഡും ഏറെ മികച്ചതാണെന്നും ലങ്കാഷയര്‍ ക്രിക്കറ്റ് ഡയറക്ടര്‍ പോള്‍ അല്ലോട്ട് അഭിപ്രായപ്പെട്ടു.
66 ടെസ്റ്റ് മത്സരങ്ങലില്‍ കളിച്ചിട്ടുള്ള താരം എട്ട് ശതകങ്ങളാണ് ടെസ്റ്റില്‍ നേടിയിട്ടുള്ളത്. 40 എന്ന ശരാശരിയിലാണ് താരത്തിന്റെ ടെസ്റ്റിലെ സ്കോറിംഗ്.
