വെടിക്കെട്ട് ശതകവുമായി ഗ്രേസ് ഹാരിസ്

42 പന്തില്‍ നിന്ന് തന്റെ ശതകം പൂര്‍ത്തിയാക്കിയ ഗ്രേസ് ഹാരിസിന്റെ മികവില്‍ 10 വിക്കറ്റ് ജയം സ്വന്തമാക്കി ബ്രിസ്ബെയിന്‍ ഹീറ്റ്. ഇന്ന് നടന്ന വനിത ബിഗ് ബാഷിലാണ്. 10.5 ഓവറില്‍ ഒരു വിക്കറ്റ് പോലും നഷ്ടമാകാതെ ബ്രിസ്ബെയിന്‍ മെല്‍ബേണ്‍ സ്റ്റാര്‍സിനെ മറികടന്നത്. 20 ഓവറില്‍ 7 വിക്കറ്റ് നഷ്ടത്തില്‍ 132 റണ്‍സാണ് മെല്‍ബേണ്‍ നേടിയത്.

ഗ്രേസ് ഹാരിസും ബെത്ത് മൂണിയും(28*) ചേര്‍ന്ന് ലക്ഷ്യം അനായാസം മറികടക്കുകയായിരുന്നു. 101 റണ്‍സ് നേടിയ ഗ്രേസ് ഹാരിസ് 13 ബൗണ്ടറിയും 6 സിക്സുമാണ് തന്റെ ഇന്നിംഗ്സില്‍ നേടിയത്.