2024-25 സീസൺ മുതൽ ബിഗ് ബാഷ് ലീഗ് മത്സരങ്ങളുടെ എണ്ണം കുറയ്ക്കും. നിലവിൽ 61 മത്സരങ്ങളാണ് ലീഗ് ഘട്ടത്തിലുള്ളതെങ്കിൽ അത് 43 മത്സരങ്ങളായി ചുരുക്കുമെന്നാണ് ക്രിക്കറ്റ് ഓസ്ട്രേലിയ അറിയിച്ചിരിക്കുന്നത്. ക്രിക്കറ്റ് ഓസ്ട്രേലിയയും ഫോക്സ്ടെൽ ഗ്രൂപ്പും സെവന് വെസ്റ്റ് മീഡിയയും തമ്മിലുള്ള പ്രാദേശിക ബ്രോഡ്കാസ്റ്റ് ഡീലിനോടനുബന്ധിച്ചാണ് ഈ മാറ്റങ്ങള്.
2017-18 സീസണല് ആണ് ബിഗ് ബാഷ് അവസാനമായി 43 മത്സരങ്ങളുടെ ഫോര്മാറ്റിൽ കളിച്ചത്. പിന്നീട് മത്സരങ്ങള് 61 എണ്ണമായി ഉയര്ത്തുകയായിരുന്നു. ടൂര്ണ്ണമെന്റിന്റെ ദൈര്ഘ്യം കാരണം ഓസ്ട്രേലിയന് ദേശീയ ടീമിലെ പ്രമുഖ താരങ്ങള് പലപ്പോഴും ബിഗ് ബാഷിൽ കളിക്കാറില്ലായിരുന്നു.