ഈ സീസണ്‍ ബിഗ് ബാഷില്‍ ജോണി ബൈര്‍സ്റ്റോയുടെ അഭാവത്തില്‍ പകരം താരമായി ആന്‍ഡ്രേ ഫ്ലെച്ചറെ സ്വന്തമാക്കി മെല്‍ബേണ്‍ സ്റ്റാര്‍സ്. ഇംഗ്ലണ്ട് ദേശീയ ടീമില്‍ ഡ്യൂട്ടി ഉള്ളതിനാലാണ് ജോണി ബൈര്‍സ്റ്റോ ബിഗ് ബാഷില്‍ നിന്ന് വിട്ട് നില്‍ക്കുന്നത്.
ഇപ്പോള്‍ വിന്‍ഡീസ് ടീമിനൊപ്പം ന്യൂസിലാണ്ടില്‍ ഉള്ള താരം ജനുവരി 26 വരെ സ്റ്റാര്‍സ് നിരയില്‍ കാണും. ജോണി ബൈര്‍സ്റ്റോയുടെ അഭാവത്തില്‍ ടീമിന് നിരാശയുണ്ടെങ്കിലും ഫ്ലെച്ചറിന്റെ വരവില്‍ ഏറെ സന്തോഷമുണ്ടെന്നാണ് മെല്‍ബേണ്‍ സ്റ്റോര്‍സ് മുഖ്യ കോച്ച് ഡേവിഡ് ഹസ്സി പറയുന്നത്.
