ഐപിഎല് അവസാനിച്ച ശേഷം സ്റ്റേറ്റ് അസോസ്സിയേഷനുകള്ക്ക് അവരുടെ ടി20 ലീഗ് സംഘടിപ്പിക്കാമെന്ന് അനുവാദം നല്കി ബിസിസിഐ. മുംബൈ, തമിഴ്നാട്, കര്ണ്ണാടക, സൗരാഷ്ട്ര എന്നീ അസോസ്സിയേഷനുകളാണ് ബിസിസിഐയോട് അനുമതി തേടിയത്. ഐപിഎല് കഴിഞ്ഞ 15 ദിവസത്തിനുള്ളില് ഈ ടൂര്ണ്ണമെന്റുകള് നടത്തണമെന്നാണ് ബിസിസിഐയുടെ ആവശ്യം.
നേരത്തെ ഐപിഎല് നടക്കുന്ന സമയത്തോ അതിന് 15 ദിവസം മുമ്പോ 15 ദിവസം ശേഷമോ സ്റ്റേറ്റ് അസോസ്സിയേഷനുകള് ടി20 ലീഗ് നടത്താന് പാടില്ലെന്നായിരുന്നു ബിസിസിഐ നിയമം. ഇപ്പോളത്തെ പ്രത്യേക സാഹചര്യത്തിലാണ് ഈ നിയമത്തില് ഇളവ് നല്കിയിരിക്കുന്നത്.
