ഇംഗ്ലണ്ടിന്റെ ബാസ്ബോൾ യുഗം അകാലത്തിൽ അവസാനിക്കുമോ എന്ന ചർച്ചകൾ ആണ് ഇപ്പോൾ ക്രിക്കറ്റ് ലോകത്ത്. ഇന്നലെ ഇന്ത്യയോട് മൂന്നാം തവണയും പരാജയപ്പെട്ട് പരമ്പര നഷ്ടപ്പെട്ടതോടെ ബാസ്ബോൾ എന്ന ഇംഗ്ലണ്ടിന്റെ പുതിയ ടെസ്റ്റ് ശൈലി ഉപേക്ഷിക്കണം എന്ന ആവശ്യം ഉയരുകയാണ്. ഈ ലോക ടെസ്റ്റ് ചാമ്പ്യൻഷിപ്പ് സൈക്കിളിൽ ഇംഗ്ലണ്ടിന്റെ റെക്കോർഡ് വളരെ മോശമാണ്.
അവർ ലോക ടെസ്റ്റ് ചാമ്പ്യൻഷിപ്പ് ടേബിളിൽ ഇപ്പോൾ എട്ടാം സ്ഥാനത്താണ്. 19.44 മാത്രമാണ് അവരുടെ വിജയ ശതമാനം. 9 മത്സരങ്ങൾ ഇതുവരെ കളിച്ച ഇംഗ്ലണ്ട് ആകെ ജയിച്ചത് മൂന്ന് ടെസ്റ്റ് മത്സരങ്ങൾ. ആകെ അഞ്ചു മത്സരങ്ങൾ പരാജയപ്പെട്ടു. 2 എണ്ണം ഓസ്ട്രേലിയക്ക് എതിരെയും 3 എണ്ണം ഇന്ത്യക്ക് എതിരെയും.
ബാസ്ബോൾ ക്രിക്കറ്റ് ആരാധകർക്ക് ടെസ്റ്റ് മത്സരങ്ങൾ ആവേശകരമാക്കി മാറ്റുന്നുണ്ട് എങ്കിലും മികച്ച റിസൾട്ട് ഇല്ല എന്നത് സ്റ്റോക്സിനെയും മക്കല്ലത്തെയും പ്രതിരോധത്തിൽ ആക്കുകയാണ്.
