വിന്ഡീസ് ബംഗ്ലാദേശ് ടി20 പരമ്പര കരീബിയന് ദ്വീപില് നിന്ന് അമേരിക്കയിലേക്ക് ചേക്കേറിയപ്പോള് ഫ്ലോറിഡയിലെ ബംഗ്ലാദേശ് സ്വദേശികള് ക്രിക്കറ്റ് കാണാനെത്തി തങ്ങളെ പ്രോത്സാഹിപ്പിക്കുവാന് എത്തുമെന്ന് വിശ്വാസം പ്രകടിപ്പിച്ച് ബംഗ്ലാദേശ് നായകന് ഷാകിബ് അല് ഹസന്. ആദ്യ മത്സരത്തില് ബംഗ്ലാദേശ് ഡക്ക്വര്ത്ത് ലൂയിസ് നിയമപ്രകാരം 7 വിക്കറ്റിന്റെ തോല്വിയേറ്റു വാങ്ങിയിരുന്നു.
ഇന്ന് നടക്കുന്ന രണ്ടാം ടി20 മത്സരം സെന്ട്രല് ബ്രോവാര്ഡ് റീജണല് പാര്ക്കിലാണ് നടക്കുന്നത്. ഇവിടെ നടക്കുന്ന പല മത്സരങ്ങളും വലിയ സ്കോറുകള് പിറക്കാറാണ് പതിവ്. വിന്ഡീസ് നിരയിലെ വെടിക്കെട്ട് വീരന്മാര് ഇന്ന് തങ്ങള്ക്കത്തരമൊരു വിരുന്നൊരുക്കുമെന്നാണ് ക്രിക്കറ്റ് ആരാധകരുടെ പ്രതീക്ഷ.
കാഴ്ചക്കാരില് ബംഗ്ലാദേശി സമൂഹം ഏറെയുണ്ടാകുമെന്നും അവര് ബംഗ്ലാദേശ് ടീമിനു ആവേശം പകരുമെന്നുമാണ് ബംഗ്ലാദേശ് നായകന്റെ പ്രതീക്ഷ.
കൂടുതൽ കായിക വാർത്തകൾക്ക് : www.facebook.com/FanportOfficial
