വിന്‍ഡീസ് നല്‍കിയ 199 റണ്‍സ് വിജയ ലക്ഷ്യം 38.3 ഓവറില്‍ സ്വന്തമാക്കി ബംഗ്ലാദേശ്. 2 വിക്കറ്റ് നഷ്ടത്തില്‍ 202 റണ്‍സ് നേടി വിജയം സ്വന്തമാക്കുമ്പോള്‍ പരമ്പരയും ബംഗ്ലാദേശ് 2-1നു നേടി. തമീം ഇക്ബാല്‍(81*), സൗമ്യ സര്‍ക്കാര്‍(80) എന്നിവരാണ് ബംഗ്ലാദേശിന്റെ വിജയം ഉറപ്പാക്കിയത്. ഇന്നിംഗ്സില്‍ വീണ രണ്ട് വിക്കറ്റും കീമോ പോള്‍ ആണ് വീഴ്ത്തിയത്. ലിറ്റണ്‍ ദാസ്(23) പുറത്തായപ്പോള്‍ വിജയ സമയത്ത് തമീമിനൊപ്പം മുഷ്ഫിക്കുര്‍ റഹിം 16 റണ്‍സുമായി പുറത്താകാതെ നിന്നു.
4 വിക്കറ്റ് നേടിയ മെഹ്ദി ഹസന്‍ കളിയിലെ താരമായപ്പോള്‍ വിന്‍ഡീസ് നിരയില്‍ 108 റണ്‍സുമായി പുറത്താകാതെ പൊരുതിയ ഷായി ഹോപാണ് പരമ്പരയിലെ താരം. കഴിഞ്ഞ മത്സരത്തിലും പുറത്താകാതെ നേടിയ 146 റണ്‍സുമായി ഷായി ഹോപ് വിന്‍ഡീസ് ജയം ഉറപ്പാക്കിയിരുന്നു. എന്നാല്‍ ഇത്തവണ ടീമിലെ സഹതാരങ്ങളുടെ മോശം പ്രകടനം വിനയാകുകയായിരുന്നു.
