വിന്ഡീസിനെതിരെ രണ്ടാം ടെസ്റ്റില് ആദ്യ ഇന്നിംഗ്സില് മികച്ച സ്കോര് നേടി ബംഗ്ലാദേശ്. 508 റണ്സാണ് ടീം ആദ്യ ഇന്നിംഗ്സില് നേടിയത്. മഹമ്മദളുള്ളയുടെ 136 റണ്സിന്റെയും ഷാക്കിബ് അല് ഹസന്(80), ലിറ്റണ് ദാസ്(54) എന്നിവരുടെയും മികവിലാണ് രണ്ടാം ദിവസം ബാറ്റിംഗില് ബംഗ്ലാദേശ് തിളങ്ങിയത്. ആദ്യ ദിവസം അരങ്ങേറ്റക്കാരന് ഷദ്മാന് ഇസ്ലാം 76 റണ്സുമായി മികച്ച് നിന്നിരുന്നു.
വിന്ഡീസിനായി ക്രെയിഗ് ബ്രാത്വൈറ്റ്, ജോമല് വാരിക്കന്, ദേവേന്ദ്ര ബിഷൂ, കെമര് റോച്ച് എന്നിവര് 2 വീതം വിക്കറ്റ് നേടി.
