സിംബാബ്‍വേയ്ക്കെതിരെ മികച്ച വിജയത്തിനരികെ എത്തി ബംഗ്ലാദേശ്. മത്സരത്തിന്റെ അവസാന ദിവസം ആദ്യ സെഷനിൽ ബംഗ്ലാദേശ് 5 വിക്കറ്റുകള്‍ കൂടി വീഴ്ത്തി സിംബാബ്‍വേയെ 176/7 എന്ന നിലയിലാക്കുകയായിരുന്നു. മെഹ്ദി ഹസനും ടാസ്കിന്‍ അഹമ്മദും മൂന്ന് വീതം വിക്കറ്റ് നേടിയാണ് സിംബാബ്‍വേയുടെ തകര്‍ച്ച സാധ്യമാക്കിയത്.
ഇന്നലെ ബ്രണ്ടന്‍ ടെയിലറിന്റെ വെടിക്കെട്ട് 92 റൺസിന് ശേഷം മറ്റാര്‍ക്കും കാര്യമായ പ്രകടനം ആതിഥേയര്‍ക്കായി പുറത്തെടുക്കാന്‍ സാധിച്ചിരുന്നില്ല. ഡിയോൺ മയേഴ്സ്(26), ഡൊണാള്‍ഡ് ടിരിപാനോ(27*) എന്നിവരാണ് ചെറുത്ത് നില്പിന് ശ്രമിച്ച മറ്റു താരങ്ങള്‍.
ടിരിപാനോയ്ക്കൊപ്പം ക്രീസിൽ വിക്ടര്‍ ന്യൗഗൂച്ചിയാണുള്ളത്. താരത്തിന്റെ വിക്കറ്റ് ടാസ്കിന്‍ അഹമ്മദ് നേടിയെങ്കിലും അത് നോബോള്‍ ആയത് ജീവന്‍ദാനമായി മാറുകയായിരുന്നു.
