പാകിസ്ഥാൻ ക്രിക്കറ്റ് താരം ബാബർ അസം ഐ.സി.സി. ഏകദിന ബാറ്റിംഗ് റാങ്കിംഗിൽ ഏഴാം സ്ഥാനത്തേക്ക് പിന്തള്ളപ്പെട്ടു. കഴിഞ്ഞ ആറ് വർഷത്തിനിടെ ഇതാദ്യമായാണ് ബാബർ ആദ്യ അഞ്ച് സ്ഥാനങ്ങളിൽ നിന്ന് പുറത്താകുന്നത്. സമീപകാലത്തെ മോശം ഫോമാണ് താരത്തിന് ഈ തിരിച്ചടിക്ക് കാരണം. അവസാനത്തെ നാല് ഏകദിന ഇന്നിംഗ്സുകളിൽ നിന്ന് വെറും 74 റൺസ് മാത്രമാണ് ബാബറിന് നേടാൻ കഴിഞ്ഞത് (സ്കോറുകൾ: 7, 11, 27, 29).
അന്താരാഷ്ട്ര ക്രിക്കറ്റിൽ 83 ഇന്നിംഗ്സുകൾക്കിടെ ബാബറിന് ഒരു സെഞ്ച്വറി പോലും നേടാനായിട്ടില്ല. 2023 ഏഷ്യാ കപ്പിൽ നേപ്പാളിനെതിരെയായിരുന്നു താരത്തിന്റെ അവസാന സെഞ്ച്വറി. അന്താരാഷ്ട്ര ക്രിക്കറ്റിൽ തുടർച്ചയായി ഏറ്റവും കൂടുതൽ ഇന്നിംഗ്സുകളിൽ സെഞ്ച്വറി നേടാതെയിരുന്ന വിരാട് കോഹ്ലിയുടെ റെക്കോർഡിനൊപ്പമാണ് ഇതോടെ ബാബർ എത്തിയിരിക്കുന്നത്.
ഏറ്റവും പുതിയ റാങ്കിംഗിൽ ഇന്ത്യയുടെ വിരാട് കോഹ്ലി അഞ്ചാം സ്ഥാനത്തേക്കും ശ്രീലങ്കയുടെ ചരിത് അസലങ്ക ആറാം സ്ഥാനത്തേക്കും മുന്നേറി, ഇത് ബാബറിന് റാങ്കിംഗിൽ തിരിച്ചടിയായി.
