ഇന്ത്യയ്ക്കെതിരെ ഗാബയില്‍ ആദ്യ ബാറ്റിംഗ് തിരഞ്ഞെടുത്ത ഓസ്ട്രേലിയയ്ക്ക് തുടക്കത്തില്‍ തിരിച്ചടി. ഡേവിഡ് വാര്‍ണറെയും മാര്‍ക്കസ് ഹാരിസിനെയും നഷ്ടമായ ടീമിനെ അവിടെ നിന്ന് മാര്‍നസ് ലാബൂഷാനെ – സ്റ്റീവ് സ്മിത്ത് കൂട്ടുകെട്ടാണ് മുന്നോട്ട് നയിച്ചത്. വാര്‍ണറെ(1) സിറാജ് പുറത്താക്കിയപ്പോള്‍ മാര്‍ക്കസ് ഹാരിസിന്റെ വിക്കറ്റ്(5) ശര്‍ദ്ധുല്‍ താക്കൂര്‍ നേടി.
17/2 എന്ന നിലയില്‍ നിന്ന് 39/2 എന്ന നിലയിലാണ് ഇപ്പോള്‍ 17 ഓവറുകള്‍ പിന്നിടുമ്പോള്‍ ഓസ്ട്രേലിയ. സ്മിത്ത് 15 റണ്‍സും മാര്‍നസ് ലാബൂഷാനെ 8 റണ്‍സും നേടി ക്രീസില്‍ നില്‍ക്കുന്നു. ഇന്ത്യയ്ക്കായി നടരാജനും വാഷിംഗ്ടണ്‍ സുന്ദറും ടെസ്റ്റ് അരങ്ങേറ്റം കുറിയ്ക്കുന്നുണ്ട് ബ്രിസ്ബെയിനിലെ ഈ നാലാം ടെസ്റ്റില്‍.
