ഇന്നലെ ശ്രീലങ്കയ്‌ക്കെതിരെ ഇന്ത്യ നേടിയ 41 റൺസ് വിജയമാണ് പാക്കിസ്ഥാനെതിരായ 228 റൺസിന് ടീം നേടിയ വിജയത്തേക്കാൾ കൂടുതൽ വിശ്വാസം നൽകുന്നത് എന്ന് മുൻ ഇന്ത്യൻ ഓപ്പണർ ഗൗതം ഗംഭീർ. സ്പിൻ ബൗളിംഗിനെതിരെയുള്ള കഴിവിന് പേരുകേട്ട ടീമായ ശ്രീലങ്കയ്‌ക്കെതിരെ 213 റൺസിന്റെ ചെറിയ സ്‌കോർ പ്രതിരോധിക്കുന്നത് ലോകകപ്പിന് മുന്നോടിയായി ടീമിന്റെ ആത്മവിശ്വാസം വർധിപ്പിക്കുമെന്ന് ഗംഭീർ പറഞ്ഞു.
“എനിക്ക് ഈ വിജയം പാകിസ്ഥാനെക്കാൾ മികച്ചതായിരുന്നു. ഞങ്ങൾ പാകിസ്ഥാനെതിരെ 228 റൺസിന് വിജയിച്ചു, എന്നാൽ ഈ വിജയമാകുൻ ടീമിന് ഏറെ ആത്മവിശ്വാസം നൽകുന്നത്,” ഗൗതം ഗംഭീർ സ്റ്റാർ സ്‌പോർട്‌സിൽ പറഞ്ഞു.
“ശ്രീലങ്കയ്‌ക്കെതിരെ 217 റൺസ് ഡിഫൻഡ് ചെയ്യുന്നത് വലിയ കാര്യമാണ്, അവർ സ്പിന്നിനെതിരെ വളരെ നന്നായി കളിക്കുന്ന ടീമാണ്. ഇത് അവർക്ക് ഫൈനലിലേക്കും തുടർന്ന് ലോകകപ്പിലേക്കും പോകുന്നത് വളരെയധികം ആത്മവിശ്വാസം നൽകും. ജസ്പ്രീത് ബുംറയും കുൽദീപ് യാദവും നല്ല പ്രകടനങ്ങൾ നടത്തുന്നു. അത് ക്യാപ്റ്റന് ആത്മവിശ്വാസം നൽകുന്നു, ”ഗംഭീർ കൂട്ടിച്ചേർത്തു.
