2020 ഏഷ്യ കപ്പിന്റെ ആതിഥേയത്വം പിസിബി വഹിക്കും. എന്നാല്‍ പാക്കിസ്ഥാനിലായിരിക്കുമോ അതോ യുഎഇയിലാവുമോ മത്സരങ്ങള്‍ നടക്കുക എന്നതില്‍ വ്യക്തത വന്നിട്ടില്ല. ലോക ടി20യ്ക്ക് ഒരു മാസം മുമ്പ് സെപ്റ്റംബറിലാവും ഈ ടൂര്‍ണ്ണമെന്റ് നടക്കുുന്നത്. അടുത്ത ഏഷ്യ കപ്പ് പതിപ്പ് ടി20യായിരിക്കുമെന്നും അറിയിപ്പ് വന്നിട്ടുണ്ട്.
ഇന്ത്യയുമായുള്ള പാക്കിസ്ഥാന്റെ ബന്ധവും രാജ്യത്തിലെ സുരക്ഷയുടെ വിലയിരുത്തലിനെയും ആശ്രയിച്ചായിരിക്കും പാക്കിസ്ഥാനാവുമോ അതോ യുഎഇയോ മലേഷ്യയോ പോലുള്ള സ്ഥലങ്ങള്‍ വേദിയായി തീരമാനിക്കുമോ എന്നതിലുള്ള തീരുമാനം വരിക. കഴിഞ്ഞ ഏഷ്യ കപ്പില്‍ ഇന്ത്യയായിരുന്നു ആതിഥേയരെങ്കിലും പാക്കിസ്ഥാന്റെ പങ്കാളിത്തം ഉറപ്പാക്കുന്നതിനു വേണ്ടി ടൂര്‍ണ്ണമെന്റ് യുഎഇയിലാണ് നടത്തിയിരുന്നത്.
