രവിചന്ദ്രന് അശ്വിന് നേടിയ 46 റൺസിന്റെ ബലത്തിൽ ദക്ഷിണാഫ്രിക്കയ്ക്കെതിരെ 202 റൺസ് നേടി ഓള്ഔട്ട് ആയി ഇന്ത്യ. മാര്ക്കോ ജാന്സന്റെ നാല് വിക്കറ്റ് നേട്ടവും കാഗിസോ റബാഡ, ഡുവാന്നേ ഒളിവിയര് എന്നിവര് 3 വീതം വിക്കറ്റും നേടിയപ്പോള് ഇന്ത്യയുടെ ടോപ് സ്കോറര് 50 റൺസ് നേടിയ രാഹുലാണ്. രവിചന്ദ്രന് അശ്വിനാണ് ടീമിന്റെ രണ്ടാമത്തെ ടോപ് സ്കോറര്.
ഒന്നാം ദിവസം അവസാനിക്കുമ്പോള് ദക്ഷിണാഫ്രിക്ക ഒരു വിക്കറ്റ് നഷ്ടത്തിൽ 35 റൺസ് നേടിയിട്ടുണ്ട്. എയ്ഡന് മാര്ക്രത്തെ വിക്കറ്റിന് മുന്നില് കുടുക്കി ഷമിയാണ് ആതിഥേയര്ക്ക് ആദ്യ പ്രഹരം ഏല്പിച്ചത്. 14 റൺസുമായി കീഗന് പീറ്റേര്സണും 11 റൺസ് നേടി ഡീന് എല്ഗാറുമാണ് ക്രീസിലുള്ളത്.
