അന്താരാഷ്ട്ര ക്രിക്കറ്റില്‍ നിന്ന് ലോകകപ്പിന് ശേഷം വിരമിച്ച ഹഷിം അംല കൗണ്ടി കളിക്കാനായി സറേയിലേക്ക്. സറേയുമായി രണ്ട് വര്‍ഷത്തെ കൊല്‍പക് കരാര്‍ ആണ് താരം ഒപ്പിട്ടിരിക്കുന്നത്. ദക്ഷിണാഫ്രിക്കന്‍ മുന്‍ സഹതാരം മോണേ മോര്‍ക്കലിനൊപ്പം 2021 വരെ താരത്തിന് കളിക്കാനാകും. 2013-14 സീസണുകളില്‍ സറേയ്ക്കൊപ്പം കളിച്ചിട്ടുള്ള താരമാണ് അംല.
349 അന്താരാഷ്ട്ര മത്സരങ്ങളില്‍ നിന്നായി 18672 റണ്‍സാണ് അംല നേടിയിട്ടുള്ളത്. തന്റെ നല്ല സുഹൃത്തായ മോണേ മോര്‍ക്കലിനൊത്ത് കളിക്കാനാകുന്നതില്‍ ഏറെ സന്തോഷമുണ്ടെന്നും അംല വ്യക്തമാക്കി.
