ബോക്സിംഗ് ഡേ ടെസ്റ്റില് നിന്ന് ഒഴിവാക്കിയെങ്കിലും സിഡ്നിയില് ടീമിലേക്ക് മടങ്ങിയെത്തിയ ഓസ്ട്രേലിയന് താരം പീറ്റര് ഹാന്ഡ്സ്കോമ്പ് ഏകദിന പരമ്പരയില് മികവ് പുലര്ത്തിയി ഓസ്ട്രേലിയയുടെ പരമ്പരയിലെ രണ്ടാമത്തെ ഉയര്ന്ന സ്കോറര് ആയി മാറിയിരുന്നു. ടെസ്റ്റില് നിന്ന് ഒഴിവാക്കപ്പെട്ട ശേഷം ഹാന്ഡ്സ്കോമ്പ് ബിഗ് ബാഷില് 70 റണ്സ് നേടി മികച്ച പ്രകടനം പുറത്തെടുത്തിരുന്നു.
റണ്സ് ഏത് ഫോര്മാറ്റിലായാലും നല്ലതാണെന്ന് പറഞ്ഞ ഹാന്ഡ്സ്കോമ്പ് തനിക്ക് ഓസ്ട്രേലിയയ്ക്ക് വേണ്ടി ഏത് ഫോര്മാറ്റിലും കളിക്കാനാകണമെന്നതാണ് തന്റെ ആഗ്രഹമെന്ന് പറഞ്ഞു. ഏകദിനങ്ങളില് മികവ് പുലര്ത്തിയാല് അത് തന്റെ ടെസ്റ്റ് സാധ്യതകളും വര്ദ്ധിപ്പിക്കുമെന്നാണ് ഓസ്ട്രേലിയന് മധ്യ നിര താരം പറഞ്ഞത്.
