അഫ്ഗാൻ സ്പിന്നർക്ക് കൊറോണ പോസിറ്റീവ്

Mujeeb Ur Rahman Afganisthan
- Advertisement -

അഫ്ഗാനിസ്ഥാൻ സ്പിന്നർ മുജീബുറഹ്‌മാന് കൊറോണ വൈറസ് ബാധ സ്ഥിരീകരിച്ചു. ബിഗ് ബാഷ് ലീഗിന് വേണ്ടി ഓസ്ട്രേലിയയിൽ എത്തിയ താരത്തിന് അവിടെ വെച്ച് നടത്തിയ പരിശോധനയിലാണ് കൊറോണ വൈറസ് ബാധ സ്ഥിരീകരിച്ചത്. താരത്തിനെ കൊറോണ വൈറസ് ബാധ സ്ഥിരീകരിച്ചതിനെ തുടർന്ന് ക്വീൻസ് ലാൻഡ് ഹെൽത്ത് ഡിപ്പാർട്മെന്റിന്റെ സൗകര്യത്തിലേക്ക് മാറ്റിയിട്ടുണ്ട്. കഴിഞ്ഞ ആഴ്ചയാണ് അഫ്ഗാൻ തലസ്ഥാനമായ കാബൂളിൽ നിന്ന് മുജീബുറഹ്‌മാൻ ഓസ്ട്രേലിയയിലേക്ക് തിരിച്ചത്.

തുടർന്ന് ക്വറന്റൈനിൽ നിന്ന താരത്തിന് ലക്ഷണങ്ങൾ കാണിക്കുകയും തുടർന്ന് ടെസ്റ്റ് നടത്തുകയും ചെയ്തതിനെ തുടർന്ന് കൊറോണ പോസിറ്റീവ് സ്ഥിരീകരിക്കുകയായിരുന്നു. ബിഗ് ബാഷ് ഫ്രാഞ്ചൈസിയായ ബ്രിസ്‌ബേൻ ഹീറ്റ്സിനു കളിക്കാൻ വേണ്ടിയാണ് മുജീബുറഹ്‌മാൻ ഓസ്ട്രേലിയയിൽ എത്തിയത്. കൊറോണ വൈറസ് ബാധ സ്ഥിരീകരിച്ചതോടെ ബിഗ് ബാഷിൽ ബ്രിസ്‌ബേൻ ഹീറ്റ്സിന്റെ ആദ്യ രണ്ട് മത്സരങ്ങളിൽ താരത്തിന് കളിക്കാൻ കഴിയില്ല.

Advertisement