Local Sports News in Malayalam

കോമൺവെൽത്ത് ഗെയിംസിൽ തുടർച്ചയായ മൂന്നാം സ്വർണവുമായി വിനേഷ് ഫോഗട്ട്, ഗുസ്തിയിലെ അഞ്ചാം സ്വർണം

കോമൺവെൽത്ത് ഗെയിംസിൽ ഇന്ത്യക്ക് പതിനൊന്നാം സ്വർണം സമ്മാനിച്ചു വിനേഷ് ഫോഗട്ട്. വനിതകളുടെ 53 കിലോഗ്രാം വിഭാഗത്തിൽ ഫ്രീ സ്റ്റൈൽ ഗുസ്തിയിൽ എതിരാളികൾക്ക് ഒരവസരവും നൽകാതെയാണ് കോമൺവെൽത്ത് ഗെയിംസിൽ തുടർച്ചയായ മൂന്നാം സ്വർണം വിനേഷ് ഫോഗട്ട് നേടിയത്. തുടർച്ചയായ മൂന്നു കോമൺവെൽത്ത് ഗെയിംസിൽ സ്വർണം നേടുന്ന ആദ്യ ഇന്ത്യൻ വനിത താരമായും ഇതോടെ ഫോഗട്ട് മാറി.
20220806 230919

തന്റെ നോർഡിക് സിസ്റ്റം ഗ്രൂപ്പിലെ മൂന്നു മത്സരങ്ങളും ജയിച്ചാണ് ഫോഗട്ട് സ്വർണം സ്വന്തം പേരിൽ കുറിച്ചത്. കാനഡയുടെ സാമന്തയെയും നൈജീരിയയുടെ മേഴ്സിയെയും തോൽപ്പിച്ച ഫോഗറ്റ് ഇന്ന് ശ്രീലങ്കയുടെ ചമോദയെയും തോൽപ്പിച്ചു. മൂന്നു മത്സരങ്ങളിൽ ഒരു പോയിന്റ് പോലും എതിരാളികൾക്ക് ഇന്ത്യയുടെ പെൺ പുലി നൽകിയില്ല. വെള്ളി മെഡൽ ജേതാവിനെ ഫോഗറ്റ് മലർത്തിയടിക്കുകയും ചെയ്തു. ഈ നേട്ടത്തോടെ ഇന്ത്യയുടെ മെഡൽ നേട്ടം 33 ആയി.

Story Highlight: Vinesh Phogat wins 11th GOLD 🥇for India today. 5th in Wrestling 🤼‍♀️

You might also like