ഇംഗ്ലണ്ടിന്റെ താരങ്ങളായി ലിയാം പിച്ച്ഫോര്‍ഡിനെയും ടിന്‍-ടിന്‍ ഹോയിനെയും പരാജയപ്പെടുത്തി ഇന്ത്യയുടെ ശരത് കമാൽ – ശ്രീജ അകുല ജോഡി കോമൺവെൽത്ത് ഗെയിംസ് ടേബിള്‍ ടെന്നീസ് സെമി ഫൈനലില്‍ കടന്നു.
ഇന്ന് നടന്ന ക്വാര്‍ട്ടര്‍ മത്സരത്തിൽ രണ്ട് തവണയായി കോമൺവെൽത്ത് ഗെയിംസ് മിക്സഡ് ഡബിള്‍സ് വെള്ളി മെഡൽ നേടിയ സഖ്യത്തിനെതിരെ പൊരുതി നേടിയ 3-2ന്റെ വിജയവുമായാണ് ഇന്ത്യന്‍ താരങ്ങള്‍ സെമി ഫൈനലില്‍ കടന്നത്.
അതേ സമയം മലേഷ്യന്‍ ജോഡിയോട് പരാജയം ഏറ്റുവാങ്ങി ഇന്ത്യയുടെ സത്യന്‍ ജ്ഞാനശേഖരന്‍ – മണിക ബത്ര കൂട്ടുകെട്ട് സെമി കാണാതെ പുറത്തായി. 2-3 എന്ന സ്കോറിനായിരുന്നു ഇന്ത്യന്‍ ജോഡിയുടെ പരാജയം.
