Author: Nihal Basheer

ഹിരാൽഡെസിന് ബാഴ്‌സലോണ വനിതാ ടീമിൽ പുതിയ കരാർ

സീസണിൽ ബാഴ്സലോണ വനിതാ ടീമിന്റെ മുന്നേറ്റത്തിന് ചുക്കാൻ പിടിച്ച കോച്ച് ജോണതാൻ ഹിരാൾഡെസിന്റെ കരാർ രണ്ടു വർഷത്തേക്ക് കൂടി പുതുക്കി നൽകി ബാഴ്‌സലോണ. ഒരു മത്സരം പോലും തോൽക്കാതെ ലീഗ് നേടിയ ടീമിന് കോപ്പ ഡെ ലാ റെയ്ന, സൂപ്പർ കപ്പ് എന്നിവയും ഹിരാൾഡെസിന്റെ കീഴിൽ നേടാൻ ആയിരുന്നു. ചാമ്പ്യൻസ് ലീഗ് ഫൈനലിൽ ലിയോണോട് തോൽവി ഏറ്റു വാങ്ങേണ്ടി വന്നെങ്കിലും സീസൺ മുഴുവൻ ടീം തുടർന്ന അപാരമായ ഫോം കോച്ചിന് പുതിയ കരാർ നൽകാൻ മാനേജ്‌മെന്റിന് പ്രേരണയേകി.

മുൻ മാനേജർ ലൂയിസ് കോർട്ടസിന്റെ കീഴിൽ വനിതാ ടീമിന്റെ അസിസ്റ്റന്റ് കോച്ച് ആയിരുന്ന ഇദ്ദേഹം കഴിഞ്ഞ സീസണിന്റെ തുടക്കത്തിലാണ് മുഖ്യ പരിശീലകനായി ചുമതലയേറ്റത്. സീസണിലെ ആകെ 47 മത്സരങ്ങളിൽ 45ലും വിജയ്ക്കാനും 221 ഗോളുകൾ സ്‌കോർ ചെയ്യാനും ബാഴ്സലോണക്ക് ആയിരുന്നു. ആകെ 23 ഗോളുകൾ മാത്രമാണ് ബാഴ്സലോണ വഴങ്ങിയത്.

പുതിയ കരാർ പ്രകാരം 2024 ജൂൺ 30 വരെ മാനേജർ ആയി തുടരാൻ ഹിരാൾഡെസിനാവും.
ഓരോ ദിവസവും ഓരോ പുതിയ അധ്യായം ആണെന്നും താൻ വ്യക്തിപരമായും വളർന്നു കൊണ്ടിരിക്കുകയാണെന്നും കരാർ പുതുക്കി കൊണ്ട് സംസാരിച്ച അദ്ദേഹം പറഞ്ഞു.ടീമിന്റെ മറ്റ് കോച്ചിങ് സ്റ്റാഫുകൾക്കും കരാർ പുതുക്കി നൽകിയിട്ടുണ്ട്

നേഷൻസ് ലീഗ് ആരംഭിച്ചതോടെ ഫ്രണ്ട്ലി മാച്ചുകളും അത് വഴി ഭയമില്ലാതെ ടീമിൽ പരീക്ഷണങ്ങൾ നടത്താനുള്ള അവസരങ്ങളും കുറഞ്ഞു എന്ന് സ്പാനിഷ് കോച്ച് ലൂയിസ് എൻറിക്വെ.
ചെക് റിപ്പബ്ലിക്കുമായുള്ള മത്സരത്തിന് മുന്നോടിയായുള്ള വാർത്താ സമ്മളത്തിൽ ടീം അംഗം കൊക്കെയോടൊപ്പം സംസാരിക്കുകയായിരുന്നു അദ്ദേഹം.ലോകകപ്പിനുള്ള കളിക്കാരുടെ എണ്ണം സംബന്ധിച്ച് ഇതുവരെ തീരുമാനം ആയിട്ടില്ലെന്ന് എൻറിക്വെ കൂട്ടിച്ചേർത്തു.

പോർച്ചുഗലിനെതിരായ മത്സരത്തിൽ ആധിപത്യം ഉണ്ടായിട്ടും വിജയിക്കാൻ കഴിയാത്തതിൽ കൊക്കെ നിരാശ രേഖപ്പെടുത്തി. ചെക്ക് റിപ്പബ്ലിക്കിനെതിരെ വിജത്തോടെ തിരിച്ചു വരാൻ സാധിക്കുമെന്ന് താരം ശുഭാപ്തി പ്രകടിപ്പിച്ചു.

തിങ്കളാഴ്‌ച്ച പുലർച്ചെ നടക്കുന്ന മത്സരത്തിൽ ചെക്ക് റിപ്പബ്ലിക് സ്പെയിനിനെയും ഇതേ ഗ്രൂപ്പിലെ പോർച്ചുഗൽ സ്വിറ്റ്സർലണ്ടിനേയും നേരിടും.

ബാഴ്‌സയുടെ ഫ്രഞ്ച് സെന്റർ ബാക് ക്ലമന്റ് ലെങ്ലെ ടോട്ടനത്തിൽ ലോണടിസ്ഥാനത്തിൽ രണ്ടു വർഷത്തേക്ക് കളിച്ചേക്കും. കോന്റെയുടെ കീഴിൽ പുതിയ തലങ്ങൾ തേടുന്ന സ്‌പഴ്സിന്റെ ഒരു ഇടങ്കാലൻ സെന്റർ ബാക്കിനായുള്ള അന്വേഷണമാണ് മുൻ സെവിയ്യ താരത്തിൽ എത്തി നിൽക്കുന്നത്. നേരത്തെ ഇന്റർ മിലാന്റെ പ്രതിരോധ താരം ബസ്‌തോനിക്ക് വേണ്ടിയും ടോട്ടനം ശ്രമിച്ചെങ്കിലും താരം ടീം വിടാൻ താൽപര്യം കാണിക്കാത്തതിനാൽ ആണ് അടുത്ത സാധ്യതയായി ലെങ്ലെയെ സമീപിച്ചത്.

താരങ്ങളുടെ ഉയർന്ന ശമ്പളം വലിയ തലവേദന ആയിരിക്കുന്ന ബാഴ്‌സക്ക് ഫ്രഞ്ച് താരത്തിന് വേണ്ടിയുള്ള ടോട്ടനത്തിന്റെ നീക്കം ചെറിയ ആശ്വാസമേകും. അതേ സമയം ആഴ്‌സനൽ അടക്കമുള്ള ഇംഗ്ലീഷ് വമ്പന്മാരും ഈ ഇരുപത്തിയാറുകാരന്റെ പിറകെ ഉണ്ടെന്ന് സ്പാനിഷ് മാധ്യമം സ്‌പോർട് റിപ്പോർട്ട് ചെയ്തു.