പൊരുതി കീഴടങ്ങി പുരുഷ ഡബിള്‍സ് കൂട്ടുകെട്ട്

- Advertisement -

ദക്ഷിണ കൊറിയന്‍ ഡബിള്‍സ് ജോഡികളോട് പരാജയപ്പെട്ട് ഇന്ത്യന്‍ താരങ്ങള്‍ പുറത്ത്. തീപാറുന്ന പോരാട്ടം കണ്ട മത്സരത്തില്‍ മൂന്ന് ഗെയിം പോരാട്ടത്തിനൊടുവിലാണ് സാത്വിക് സായിരാജ്-ചിരാഗ് ഷെട്ടി കൂട്ടുകെട്ട് പിന്നോട്ട് പോയത്. ആദ്യ ഗെയിം 17-21നു കൈവിട്ട ശേഷം 21-19നു ഇന്ത്യന്‍ താരങ്ങള്‍ ഗെയിം സ്വന്തമാക്കി മൂന്നാം ഗെയിമിലേക്ക് മത്സരം നീട്ടിയിരുന്നു. എന്നാല്‍ മൂന്നാം ഗെയിമില്‍ ലീഡ് കൈവരിച്ചുവെങ്കിലും അവസാന നിമിഷം പൊരുതി നേടി കൊറിയന്‍ താരങ്ങള്‍ മത്സരം സ്വന്തമാക്കി.

17-21, 21-19, 17-21 എന്ന സ്കോറിനായിരുന്നു ഇന്ത്യന്‍ താരങ്ങളുടെ തോല്‍വി. 57 മിനുട്ടാണ് മത്സരം നീണ്ട് നിന്നത്.

Advertisement