ആരോണ്‍ ഫിഞ്ചും കാമറൂണ്‍ വൈറ്റും തിളങ്ങിയ മത്സരത്തില്‍ മെല്‍ബേണ്‍ റെനഗേഡ്സിനു 12 റണ്‍സിന്റെ ജയം. 9 വിക്കറ്റ് നഷ്ടത്തില്‍ 152 റണ്‍സ് മെല്‍ബേണ്‍ നേടിയപ്പോള്‍ മറുപടി ബാറ്റിംഗിനിറങ്ങിയ സിഡ്നി തണ്ടറിനു അഞ്ച് വിക്കറ്റുകളെ നഷ്ടമായുള്ളുവെങ്കിലും 20 ഓവറില്‍ നിന്ന് 140 റണ്‍സ് മാത്രമേ ടീമിനു നേടാനായുള്ളു. കാല്ലം ഫെര്‍ഗൂസണും ജേസണ്‍ സംഘയും അര്‍ദ്ധ ശതകം നേടിയെങ്കിലും ടീമിനെ വിജയത്തിലേക്ക് നയിക്കാന്‍ സാധിച്ചിരുന്നില്ല.
54 റണ്‍സ് നേടിയ ആരോണ്‍ ഫിഞ്ചും 40 റണ്‍സ് നേടിയ കാമറൂണ്‍ വൈറ്റുമാണ് മെല്‍ബേണ്‍ നിരയില്‍ തിളങ്ങിയത്. തണ്ടറിനു വേണ്ടി ബൗളിംഗില്‍ മൂന്ന് വീതം വിക്കറ്റ് നേടി ഡാനിയേല്‍ സാംസ്, ഗുരീന്ദര്‍ സന്ധു എന്നിവര്‍ തിളങ്ങി.
ജേസണ്‍ സംഘ പുറത്താകാതെ 54 റണ്‍സ് നേടി ക്രീസില്‍ നിന്നപ്പോള്‍ ഫെര്‍ഗൂസണ്‍ 52 റണ്‍സിന്റെ വെടിക്കെട്ട് പ്രകടനം പുറത്തെടുത്തു. 15 പന്തില്‍ 20 റണ്‍സ് നേടി ജേ ലെന്റണ്‍ പുറത്താകാതെ നിന്നുവെങ്കിലും ടീമിനു 12 റണ്‍സ് അകലെ വരെ എത്തുവാനെ സാധിച്ചുള്ളു. ഹാരി ഗുര്‍ണേ രണ്ട് വിക്കറ്റ് നേടി മികച്ച ബൗളിംഗ് പുറത്തെടുത്തപ്പോള്‍ മാന്‍ ഓഫ് ദി മാച്ച് പുരസ്കാരവും ലഭിച്ചു. കെയിന്‍ റിച്ചാര്‍ഡ്സണും രണ്ട് വിക്കറ്റ് ലഭിച്ചു.
