ഇന്ത്യക്കെതിരെ ഉള്ള ആദ്യ ഇലവൻ ഓസ്ട്രേലിയ പ്രഖ്യാപിച്ചു, രണ്ട് സർപ്രൈസുകൾ

ഇന്ത്യക്ക് എതിരായ ആദ്യ ഏകദിനത്തിൽ ഇറങ്ങുന്ന ഇലവനെ ഓസ്ട്രേലിയ പ്രഖ്യാപിച്ചു. നാളെ നടക്കുന്ന മത്സര ഇലവനിൽ പീറ്റർ സിഡിലിന്റെ മടങ്ങി വരവാണ് പ്രധാന പ്രത്യേകത. 8 വർഷങ്ങൾക്ക് ശേഷമാണ് ഫാസ്റ്റ് ബോളർ പീറ്റർ സിഡിൽ ആദ്യ ഇലവനിൽ എത്തുന്നത്. അവസാനമായി 2010 നവംബറിലാണ് സിഡിൽ ഒരു ഏകദിന മത്സരം ഓസ്ട്രേലിയക്കായി കളിച്ചത്.

സ്റ്റാർക്ക്, കമ്മിൻസ്, ഹസല്വൂഡ് എന്നിവർക്കൊക്കെ ഓസ്ട്രേലിയ വിശ്രമം നൽകിയതാണ് സിഡിലിന് ടീമിലേക്ക് തിരിച്ചുവരാനുള്ള അവസരം ഒരുക്കിയത്. നാളെ ഓപണറായി വിക്കറ്റ് കീപ്പർ അലക്സ് കാരെയും എത്തും‌ ആദ്യമായാണ് അലക്സ് ഓസ്ട്രേലിയക്കായി ഓപൺ ചെയ്യുന്നത്. ഇതിനുമുമ്പ് ആറു ഏകദിനങ്ങൾ ഓസ്ട്രേലിയക്കായി കളിച്ചരുന്നു എങ്കിലും അപ്പോഴൊക്കെ മധ്യനിരയിൽ ആയിരുന്നു അലക്സ് ഇറങ്ങിയിരുന്നത്.

ഓസ്ട്രേലിയ ഇലവൻ: Aaron Finch (capt), Alex Carey, Usman Khawaja, Shaun Marsh, Peter Handscomb, Glenn Maxwell, Marcus Stoinis, Jhye Richardson, Jason Behrendorff, Peter Siddle, Nathan Lyon