ഐ എസ് എല്ലിൽ നിരാശയായിരുന്നു ഇതുവരെ ഡെൽഹി ഡൈനാമോസിന്റെ സീസൺ. ഇപ്പോൾ സീസൺ ഇടവേളയ്ക്ക് പിരിഞ്ഞ സമയത്ത് കൂടുതൽ ഒരുക്കങ്ങൾക്കായി ദോഹയിലേക്ക് പോകും. രണ്ടാം പകുതിയിൽ എങ്കിലും സീസൺ നേർവഴിക്ക് ആക്കുക ആണ് ഡെൽഹിയുടെ ലക്ഷ്യം. ഡെൽഹി ഡൈനാമോസുമായി കരാറുള്ള ആസ്പെയ്ർ അക്കാദമി ആകും ഡെൽഹിക്ക് ദോഹയിൽ സൗകര്യങ്ങൾ ഒരുക്കുന്നത്.
ഏഷ്യാ കപ്പിൽ പങ്കെടുക്കുന്ന താരങ്ങൾ ഒഴികെ ബാക്കി എല്ലാ ഡെൽഹി താരങ്ങളും ദോഹയിലേക്ക് യാത്രയാകും. ജനുവരി ട്രാൻസ്ഫർ വിൻഡോയിൽ ക്ലബ് വിട്ട പ്രിതം കോട്ടാലും സിയാം ഹാങ്ങലും ദോഹയിലേക്ക് പോകില്ല. ഈ ഐ എസ് എൽ സീസണിൽ ഇതുവരെ ഏഴു പോയിന്റ് മാത്രമെ ഡെൽഹിക്ക് സ്വന്തമാക്കാൻ കഴിഞ്ഞിട്ടുള്ളൂ. ലീഗിൽ ഇപ്പോൾ ഒമ്പതാം സ്ഥാനത്താണ് ഡെൽഹി ഉള്ളത്.
