ടെസ്റ്റില്‍ നിന്ന് അടുത്തിടെ വിരമിച്ച പാക്കിസ്ഥാന്‍ താരം മുഹമ്മദ് ഹഫീസ് രാജ്ഷാഹി കിംഗ്സിനു വേണ്ടി കളിയ്ക്കുവാന്‍ ഒരുങ്ങുന്നു. ടൂര്‍ണ്ണമെന്റിന്റെ ആരംഭത്തില്‍ ടീമിനൊപ്പം ചേരുന്ന താരം ആദ്യത്തെ അഞ്ച് മത്സരങ്ങളില്‍ കളിയ്ക്കുവാനുണ്ടാകും അതിനു ശേഷം ദക്ഷിണാഫ്രിക്കയില്‍ പാക് ഏകദിന ടീമിനപ്പം താരം ചേരും.
ഇതാദ്യമായാണ് മുഹമ്മദ് ഹഫീസ് ബംഗ്ലാദേശ് പ്രീമിയര്‍ ലീഗില്‍ കളിയ്ക്കുന്നത്. കഴിഞ്ഞ തവണ കോമില വിക്ടോറിയന്‍സ് താരത്തിനെ സ്വന്തമാക്കിയിരുന്നുവെങ്കിലും തന്റെ ബൗളിംഗ് ആക്ഷന്‍ ശരിയാക്കുന്നതിനു വേണ്ടി ടൂര്‍ണ്ണമെന്റില്‍ നിന്ന് താരം വിട്ട് നില്‍ക്കുകയായിരുന്നു.
ജനുവരി അഞ്ചിനാണ് ബംഗ്ലാദേശ് പ്രീമിയര്‍ ലീഗ് ആരംഭിയ്ക്കുന്നത്. അന്ന് തന്നെ നടക്കുന്ന രണ്ടാമത്തെ മത്സരത്തില്‍ ധാക്ക ഡൈനാമൈറ്റ്സ് ആണ് രാജ്ഷാഹി കിംഗ്സിന്റെ എതിരാളികള്‍.
