ശ്രീലങ്കയെ മൂന്ന് മത്സരങ്ങളുടെ ഏകദിന പരമ്പരയില്‍ നേരിടുവാനുള്ള ഏകദിന ടീം ന്യൂസിലാണ്ട് പ്രഖ്യാപിച്ചു. ജൂണ്‍ 2017ല്‍ അവസാനമായി ഏകദിനം കളിച്ച ജെയിംസ് നീഷം തിരികെ ടീമിലെത്തുന്നു എന്നതാണ് ഏറ്റവും വലിയ പ്രത്യേകത. മാര്‍ട്ടിന്‍ ഗുപ്ടില്‍, ഡഗ് ബ്രേസ്‍വെല്‍ എന്നിവരും ടീമിലേക്ക് മടങ്ങിയെത്തുമ്പോള്‍ ടിം സീഫെര്‍ട്ട് ആദ്യമായി ഏകദിന ടീമില്‍ ഇടം പിടിയ്ക്കുന്നു. കോളിന്‍ ഡി ഗ്രാന്‍ഡോം, ടോം ലാഥം, ജോര്‍ജ്ജ് വര്‍ക്കര്‍, അജാസ് പട്ടേല്‍ എന്നിവരാണ് പുറത്ത് പോകുന്ന താരങ്ങള്‍.
ന്യൂസിലാണ്ട്: കെയിന്‍ വില്യംസണ്‍, മാര്‍ട്ടിന്‍ ഗുപ്ടില്‍, കോളിന്‍ മണ്‍റോ, റോസ് ടെയിലര്‍, ടിം സൗത്തി, ഇഷ് സോധി, ട്രെന്റ് ബോള്‍ട്ട്, ഡഗ് ബ്രേസ്‍വെല്‍, ലോക്കി ഫെര്‍ഗൂസണ്‍, മാറ്റ് ഹെന്‍റി, ജെയിംസ് നീഷം, ഹെന്‍റി നിക്കോളസ്, ടിം സീഫെര്‍ട്ട്
ജനുവരി മൂന്നിനാണ് ഏകദിന പരമ്പര ആരംഭിക്കുന്നത്.
