യുപി യോദ്ധയെ 22 പോയിന്റിനു കീഴടക്കി തമിഴ് തലൈവാസ്. 46-24 എന്ന സ്കോറിനാണ് യുപി യോദ്ധയെ തമിഴ് തലൈവാസ് മലര്‍ത്തിയടിച്ചത്. 26-11 എന്ന സ്കോറിനു പകുതി സമയത്ത് ലീഡ് ചെയ്ത തമിഴ് തലൈവാസ് രണ്ടാം പകുതിയില്‍ 20 പോയിന്റുകള്‍ കൂടി നേടി മത്സരം സ്വന്തം പോക്കറ്റിലാക്കുകയായിരുന്നു.
സുകേഷ് ഹെഗ്ഡേ(9), അജയ് താക്കൂര്‍(9), മഞ്ജീത്ത് ചില്ലര്‍(8) എന്നിവര്‍ക്കൊപ്പം അമിത് ഹൂഡയും(6) തിളങ്ങിയതാണ് തലൈവാസിന്റെ കൂറ്റന്‍ ജയത്തിനു കാരണം. യുപിയ്ക്കായി പ്രശാന്ത് കുമാര്‍ റായ് 7 പോയിന്റ് നേടി. മൂന്ന് തവണ തലൈവാസ് യുപിയെ ഓള്‍ഔട്ട് ആക്കി. റെയിഡിംഗില്‍ 19-14നു ലീഡ് ചെയ്ത ടീം ടാക്കിള്‍ പോയിന്റുകളില്‍ 19-9 ന്റെ ലീഡും കൈവശപ്പെടുത്തി.
