കേരളത്തിന്റെ പ്രളയ കാലത്തെ ദുരിതങ്ങള്‍ക്ക് കേരള ക്രിക്കറ്റ് അസോസ്സിയേഷന്റെ വകയും സഹായം. അസോസ്സിയേഷന്‍ മുഖേന പിരിച്ചെടുത്ത 54 ലക്ഷം രൂപയുടെ തുക ഇന്ന് മുഖ്യ മന്ത്രിയ്ക്ക് കെസിഎ ഭാരവാഹികള്‍ കൈമാറി. മുഖ്യ മന്ത്രിയെ നേരിട്ട് കണ്ടാണ് ഈ തുക അസോസ്സിയേഷന്‍ ഭാരവാഹികള്‍ കൈമാറിയത്.
നേരത്തെ 10 ലക്ഷം രൂപ കെസിഎ കൈമാറിയിരുന്നു. ഇന്ത്യയിലെയും കേരളത്തിലെയും വിവിധ ക്രിക്കറ്റര്‍മാര്‍ തങ്ങളുടെ ആരാധകരോട് കെസിഎയുടെ ഈ സംരഭത്തിലേക്ക് സംഭാവന ചെയ്യണമെന്ന് ആവശ്യപ്പെട്ട് വീഡിയോയിലൂടെ ആഹ്വാനങ്ങള്‍ നടത്തിയിരുന്നു.
