ഉത്തേജക പരിശോധനയില്‍ പരാജയപ്പെട്ട് വിലക്ക് നേരിടുന്ന് അഹമ്മദ് ഷെഹ്സാദിനെ പാക്കിസ്ഥാന്‍ സൂപ്പര്‍ ലീഗ് പ്ലേയര്‍ ഡ്രാഫ്ടില്‍ ഉള്‍പ്പെടുത്തി പാക്കിസ്ഥാന്‍ ക്രിക്കറ്റ് ബോര്‍ഡ്. താരത്തിനു നാല് മാസത്തെ വിലക്കാണ് ബോര്‍ഡ് പ്രഖ്യാപിച്ചതെങ്കിലും നവംബര്‍ 11നു വിലക്ക് തീരുമെന്നിരിക്കെയാണ് ഈ നീക്കം.
താരത്തിനെ ഗോള്‍ഡ് വിഭാഗത്തിലാണ് ഉള്‍പ്പെടുത്തിയതെന്നാണ് ബോര്‍ഡിന്റെ അറിയിപ്പ്. കഴിഞ്ഞ വര്‍ഷം മുള്‍ട്ടാന്‍ സുല്‍ത്താനു വേണ്ടി കളിച്ച താരത്തെ ടീമിനു നിലനിര്‍ത്താമെന്നോ അതോ പ്ലേയര്‍ ഡ്രാഫ്ടിലേക്ക് റിലീസ് ചെയ്യാമെന്നോയെന്നാണ് ബോര്‍ഡ് അറിയിച്ചിട്ടുള്ളത്.
