ഇന്ത്യന്‍ താരങ്ങളുടെ പരിക്കിന്റെ പേരില്‍ പഴി കേള്‍ക്കേണ്ടി വന്ന നാഷണല്‍ ക്രിക്കറ്റ് അക്കാഡമിയ്ക്ക് പിന്തുണയുമായി യുവരാജ് സിംഗ്. സീനിയര്‍ താരങ്ങള്‍ നാഷണല്‍ ക്രിക്കറ്റ് അക്കാഡമിയില്‍ പരിശീലനത്തിനും റീഹാബിനും പോകുവാന്‍ മടിയ്ക്കുന്നു എന്ന തരത്തിലുള്ള വാര്‍ത്തകള്‍ സജീവമാകുന്നതിനിടയിലാണ് തന്റെ അനുഭവം പങ്കുവെച്ച് യുവരാജ് സിംഗ് രംഗത്തെത്തിയിരിക്കുന്നത്.
Hearing criticisms abt NCA. I wud like to share my experience that the reason why I was able to bounce back aftr cancer was the national cricket academy a great facility created by @bcci to help players recover frm injuries with the help of best Physios & trainers in the country
— Yuvraj Singh (@YUVSTRONG12) July 20, 2018
തന്റെ ട്വിറ്റര്‍ സന്ദേശത്തിലാണ് താരം എന്‍സിഎയെ പുകഴ്ത്തിയത്. തനിക്ക് കാന്‍സറില്‍ നിന്ന് തിരിച്ചുവരവിനു സാധ്യമായതിനു പിന്നില്‍ നാഷണല്‍ ക്രിക്കറ്റ് അക്കാഡമിയുടെ പങ്ക് ഏറെ വലുതാണെന്നാണ് യുവി പറഞ്ഞത്. രാജ്യത്തെ ഏറ്റവും മികച്ച പരിശീലകരെയും ഫിസിയോകളെയും ബിസിസിഐ ചുമതലപ്പെടുത്തിയതിന്റെ ഗുണം പല താരങ്ങള്‍ക്കും ഉപയോഗപ്പെട്ടിട്ടുണ്ടെന്നും യുവരാജ് തന്റെ ട്വീറ്റിലൂടെ വ്യക്തമാക്കി.
കൂടുതൽ കായിക വാർത്തകൾക്ക് : www.facebook.com/FanportOfficial
