പ്രണോയ്‍യുടെ ജൈത്രയാത്ര തുടരുന്നു

ഇന്തോനേഷ്യ ഓപ്പണില്‍ രണ്ടാം റൗണ്ടിലും ജയം നേടി എച്ച് എസ് പ്രണോയ്. ആദ്യ റൗണ്ടില്‍ ലിന്‍ ഡാനിനെ വീഴ്ത്തിയെത്തിയ പ്രണോയ് മൂന്ന് ഗെയിം പോരാട്ടത്തിലാണ് ഇന്നത്തെ ജയം നേടിയത്. തായ്‍വാന്റെ സു വെയ് വാംഗിനോട് ആദ്യ ഗെയിം കൈവിട്ടുവെങ്കിലും തുടര്‍ന്നുള്ള രണ്ട് ഗെയിമിലും തന്റെ പ്രഭാവം പ്രകടമാക്കിയ ജയമാണ് താരം സ്വന്തമാക്കിയത്.

60 മിനുട്ട് നീണ്ട പോരാട്ടത്തില്‍ 21-23, 21-15, 21-13 എന്ന സ്കോറിനാണ് പ്രണോയ‍്‍യുടെ ജയം. ആദ്യ ഗെയിം ഒപ്പത്തിനൊപ്പം പോരാടിയ ശേഷമാണ് പ്രണോയ് കൈവിട്ടതെങ്കിലും രണ്ടും മൂന്നും ഗെയിമുകള്‍ അനായാസമായിരുന്നു.

കൂടുതൽ കായിക വാർത്തകൾക്ക് : www.facebook.com/FanportOfficial