കേരള ബ്ലാസ്റ്റേഴ്സിന് ഉഗാണ്ടയിൽ നിന്ന് കിസിറ്റോ വരേണ്ടി വന്നു മിഡ്ഫീൽഡിന് താളം കിട്ടാൻ അതേപോലെ മറ്റൊരു ഉഗാണ്ടൻ താരം കൂടെ കേരളത്തിൽ എത്തിയിരിക്കുകയാണ്. മുസ മുഡെ. ഉഗാണ്ടയിൽ നിന്ന് എത്തിയ മധ്യനിരക്കാരനായ മൂസ ഗോകുലത്തിന്റെ കഴിഞ്ഞ മത്സരത്തിൽ തന്റെ ഐ ലീഗ് അരങ്ങേറ്റവും നടത്തി.
മത്സരത്തിൽ 1-0 എന്ന സ്കോറിന് ഗോകുലം കേരള ചെന്നൈ സിറ്റിയെ പരാജയപ്പെടുത്തിയിരുന്നു. ജനുവരി ട്രാൻസ്ഫർ വിൻഡോയിലൂടെ ആണ് ഗോകുലം മൂസയെ ടീമിൽ എത്തിച്ചത്. നേരത്തെ പരിക്ക് കാരണം പല വിദേശ താരങ്ങളേയും ഗോകുലത്തിന് റിലീസ് ചെയ്യേണ്ടി വന്നിരുന്നു. മുമ്പ് ബന്ദരി എഫ് സി, എഫ് സി ലിയോപാട്സ് തുടങ്ങിയ ക്ലബുകൾക്കായി കളിച്ചിട്ടുണ്ട് മുസ.
കൂടുതൽ കായിക വാർത്തകൾക്ക് : www.facebook.com/FanportOfficial
