ഓസ്ട്രേലിയന്‍ ഓപ്പണില്‍ നിന്ന് മൂന്നാം സീഡ് ഗാര്‍ബിന്‍ മുഗുരൂസ പുറത്ത്. ഇന്ന് നടന്ന മത്സരത്തില്‍ ലോക റാങ്കിംഗില്‍ 82ാം സ്ഥാനത്തുള്ള സു-വെയ് സിയയോടാണ് താരം അടിയറവ് പറഞ്ഞത്. രണ്ടാം റൗണ്ടില്‍ നേരിട്ടുള്ള സെറ്റുകളിലായിരുന്നു തോല്‍വി. സ്കോര്‍: 7-6, 6-4.
മുന്‍ ലോക ഒന്നാം നമ്പര്‍ താരവും വിംബിള്‍ഡണ്‍ ജേതാവുമായ മുഗുരുസ നേരത്തെ ബ്രിസ്ബെയിന്‍ ഇന്റര്‍നാഷണല്‍ മത്സരത്തിനിടെ പരിക്കേറ്റ് പിന്മാറിയിരുന്നു. ആദ്യ റൗണ്ടില്‍ 6-4, 6-3 എന്ന സ്കോറിനു അനായാസ ജയം നേടി എത്തിയ മുഗൂരുസയ്ക്ക് നേട്ടം രണ്ടാം റൗണ്ടില്‍ ആവര്‍ത്തിക്കാനായില്ല.
കൂടുതൽ കായിക വാർത്തകൾക്ക് : www.facebook.com/FanportOfficial
