2026-ലെ ഐസിസി പുരുഷ ടി20 ലോകകപ്പിനുള്ള കാനഡ ക്രിക്കറ്റ് ടീമിന്റെ ക്യാപ്റ്റനായി ഇന്ത്യൻ വംശജനായ ദിൽപ്രീത് ബജ്വയെ നിയമിച്ചു. പഞ്ചാബിലെ ഗുർദാസ്പൂർ സ്വദേശിയായ 22-കാരനായ ദിൽപ്രീത്, ഇന്ത്യയിലും ശ്രീലങ്കയിലുമായി ഫെബ്രുവരി 7 മുതൽ മാർച്ച് 8 വരെ നടക്കുന്ന ടൂർണമെന്റിൽ കാനഡയെ നയിക്കും.
ജനുവരി 13-നാണ് ക്രിക്കറ്റ് കാനഡ 15 അംഗ ടീമിനെ പ്രഖ്യാപിച്ചത്. കാനഡയുടെ ചരിത്രത്തിലെ രണ്ടാമത്തെ ടി20 ലോകകപ്പ് പങ്കാളിത്തമാണിത്. നേരത്തെ 2024-ലെ ലോകകപ്പിൽ അയർലൻഡിനെ പരാജയപ്പെടുത്തി കാനഡ ശ്രദ്ധ നേടിയിരുന്നു.
അമേരിക്കാസ് റീജിയണൽ ഫൈനലിൽ കളിച്ച ആറ് മത്സരങ്ങളിലും വിജയിച്ച് അപരാജിതരായാണ് കാനഡ ലോകകപ്പിന് യോഗ്യത നേടിയത്. ഗ്രൂപ്പ് ഡിയിൽ ദക്ഷിണാഫ്രിക്ക, ന്യൂസിലൻഡ്, അഫ്ഗാനിസ്ഥാൻ, യുഎഇ എന്നിവർക്കൊപ്പമാണ് കാനഡയുടെ സ്ഥാനം. ഫെബ്രുവരി 9-ന് അഹമ്മദാബാദിൽ ദക്ഷിണാഫ്രിക്കയ്ക്കെതിരെയാണ് കാനഡയുടെ ആദ്യ മത്സരം. കാനഡയുടെ എല്ലാ ഗ്രൂപ്പ് മത്സരങ്ങളും ഇന്ത്യയിലാണ് നടക്കുന്നത്. പവർ ഹിറ്റർ യുവരാജ് സമ്ര, മുൻ ക്യാപ്റ്റൻ സാദ് ബിൻ സഫർ, നിക്കോളാസ് കിർട്ടൺ, ബൗളർമാരായ കലീം സന, ശിവം ശർമ്മ എന്നിവരാണ് ടീമിലെ മറ്റ് പ്രമുഖർ.
CANADA SQUAD
Dilpreet Bajwa (captain), Ajayveer Hundal, Ansh Patel, Dilon Heyliger, Harsh Thaker, Jaskarandeep Buttar, Kaleem Sana, Kanwarpal Tathgur, Navneet Dhaliwal, Nicholas Kirton, Ravinderpal Singh, Saad Bin Zafar, Shivam Sharma, Shreyas Movva, Yuvraj Samra
