മുംബൈ ഇന്ത്യൻസിന്റെ ഉടമകളായ റിലയൻസ് ഇൻഡസ്ട്രീസ്, ഇംഗ്ലണ്ടിലെ ദി ഹൺഡ്രഡ് (The Hundred) ലീഗിലെ ഓവൽ ഇൻവിൻസിബിൾസ് (Oval Invincibles) ഫ്രാഞ്ചൈസിയെ സ്വന്തമാക്കി. 2026 മുതൽ ടീമിന്റെ പേര് എം.ഐ. ലണ്ടൻ (MI London) എന്നായിരിക്കും. സറേ കൗണ്ടി ക്രിക്കറ്റ് ക്ലബ്ബുമായി ചേർന്നാണ് റിലയൻസ് ഈ ഉടമ്പടിയിലെത്തിയത്. റിലയൻസിന് 49% ഓഹരിയും സറേയ്ക്ക് 51% ഓഹരിയും എന്ന നിലയിലാണ് ഇടപാട്. മാസങ്ങൾ നീണ്ട ചർച്ചകൾക്കൊടുവിൽ ജൂലൈ മാസത്തോടെയാണ് ഈ ഉടമ്പടി അന്തിമമായത്.
ഇതോടെ യു.കെ ക്രിക്കറ്റിലേക്കും മുംബൈ ഇന്ത്യൻസ് പ്രവേശിച്ചു. ഇന്ത്യ, യു.എ.ഇ, ദക്ഷിണാഫ്രിക്ക, യു.എസ്.എ എന്നിവിടങ്ങളിൽ ടീമുകളുള്ള മുംബൈ ഇന്ത്യൻസിന്റെ ഈ നീക്കം ഐ.പി.എല്ലിന്റെ ആഗോള സ്വാധീനം വർദ്ധിപ്പിക്കും.
ഓവൽ ഇൻവിൻസിബിൾസിന് മികച്ച റെക്കോർഡാണുള്ളത്. 2021-22-ൽ വനിതാ ടീമും 2023-25-ൽ പുരുഷ ടീമും ഉൾപ്പെടെ ദി ഹൺഡ്രഡ് ലീഗിലെ അഞ്ച് കിരീടങ്ങളും അവർ നേടിയിട്ടുണ്ട്. ലഖ്നൗ സൂപ്പർ ജയന്റ്സ്, ഡൽഹി ക്യാപിറ്റൽസിന്റെ ഉടമകൾ, സൺറൈസേഴ്സ് ഹൈദരാബാദ് തുടങ്ങിയ മറ്റ് ഐ.പി.എൽ ടീമുകൾക്കും യു.കെ. ഫ്രാഞ്ചൈസികളിൽ ഓഹരിയുണ്ട്.
