നോട്ടിംഗ്ഹാമിൽ ഇംഗ്ലണ്ടിനെതിരായ ഒന്നാം ടി20യിൽ 62 പന്തിൽ 112 റൺസ് നേടി സ്മൃതി മന്ദാന ചരിത്രത്തിലേക്ക് നടന്നുകയറി. അന്താരാഷ്ട്ര ക്രിക്കറ്റിന്റെ മൂന്ന് ഫോർമാറ്റുകളിലും സെഞ്ച്വറി നേടുന്ന ആദ്യ ഇന്ത്യൻ വനിതാ താരമെന്ന റെക്കോർഡാണ് മന്ദാന സ്വന്തമാക്കിയത്.
ഹെതർ നൈറ്റ്, ടാമി ബ്യൂമോണ്ട്, ലോറ വോൾവാർഡ്, ബെത്ത് മൂണി എന്നിവർക്കൊപ്പം ഈ അപൂർവ നേട്ടം കൈവരിച്ച അഞ്ച് വനിതാ ക്രിക്കറ്റർമാരുടെ എലൈറ്റ് ക്ലബ്ബിൽ അവർ ഇടംപിടിച്ചു.
ഈ സെഞ്ച്വറിയോടെ വനിതാ ടി20ഐയിൽ ഒരു ഇന്ത്യക്കാരിയുടെ ഏറ്റവും ഉയർന്ന സ്കോർ എന്ന റെക്കോർഡും മന്ദാനക്ക് സ്വന്തമായി. 2018-ൽ ന്യൂസിലൻഡിനെതിരെ ഹർമൻപ്രീത് കൗർ നേടിയ 103 റൺസാണ് മന്ദാന മറികടന്നത്.
