2024 ലെ ഐസിസി വനിതാ ക്രിക്കറ്റർ ഓഫ് ദ ഇയർ പുരസ്കാരം ന്യൂസിലൻഡിന്റെ മെലി കെർ സ്വന്തമാക്കി. 2017 ൽ ആരംഭിച്ചതിനുശേഷം ഈ പുരസ്കാരം നേടുന്ന ആദ്യ ന്യൂസിലൻഡുകാരിയായി കെർ മാറി. സഹ നോമിനികളായ ലോറ വോൾവാർഡ്, ചാമരി അത്തപത്തു, അന്നബെൽ സതർലാൻഡ് എന്നിവരെ മറികടന്നാണ് പുരസ്കാരം സ്വന്താമാക്കിയത്.
2024 ൽ കെറിന്റെ മികച്ച ഓൾറൗണ്ട് പ്രകടനം കാണാൻ ആയി. ഐസിസി വനിതാ ടി20 ലോകകപ്പിലെ ശ്രദ്ധേയമായ പ്രകടനമാണ് കെർ നടത്തിയത്. ന്യൂസിലൻഡ് അവരുടെ കന്നി ടി20 ലോകകപ്പ് കിരീടം നേടിയ ഫൈനലിൽ അവൾ പ്ലെയർ ഓഫ് ദ ടൂർണമെന്റും പ്ലെയർ ഓഫ് ദ മാച്ചും ആയി തിരഞ്ഞെടുക്കപ്പെട്ടു. ഫൈനലിൽ, കെർ 43 റൺസ് നേടി ടോപ് സ്കോററാവുകയും ഒരു ഓവറിൽ രണ്ട് വിക്കറ്റുകൾ ഉൾപ്പെടെ 3/24 വീഴ്ത്തുകയും ചെയ്തു.
കെർ 2024ൽ;
ഏകദിന മത്സരങ്ങൾ: 33 ശരാശരിയിൽ 264 റൺസും ഒമ്പത് മത്സരങ്ങളിൽ നിന്ന് 14 വിക്കറ്റുകളും.
ടി20 മത്സരങ്ങൾ: 24.18 ശരാശരിയിൽ 387 റൺസും 18 മത്സരങ്ങളിൽ നിന്ന് 29 വിക്കറ്റുകളും
