ഇംഗ്ലണ്ടിനെതിരായ ടി20 പരമ്പരയിൽ സഞ്ജു സാംസൺ തന്നെയാകും ടീമിന്റെ പ്രധാന വിക്കറ്റ് കീപ്പർ എന്ന് ഇന്ത്യൻ ടി20 ഐ ക്യാപ്റ്റൻ സൂര്യകുമാർ യാദവ്. സഞ്ജുവിന്റെ സ്ഥാനത്തിൽ യാതൊരു സംശയവും ഇല്ലാ എന്ന് സൂര്യകുമാർ പറഞ്ഞു.
“കഴിഞ്ഞ 7-10 മത്സരങ്ങളിൽ സഞ്ജു മികച്ച പ്രകടനം കാഴ്ചവച്ചു, തന്റെ കഴിവുകൾ തെളിയിച്ചു. ലഭിച്ച അവസരങ്ങൾ അദ്ദേഹം മുതലെടുത്തു.” സൂര്യകുമാർ പറഞ്ഞു.
രോഹിത് ശർമ്മ ടി20യിൽ നിന്ന് വിരമിച്ചതിനുശേഷം സാംസൺ നിർണായക സംഭാവന നൽകിയിട്ടുണ്ട്, 12 മത്സരങ്ങളിൽ നിന്ന് 42.81 ശരാശരിയിൽ 189.15 സ്ട്രൈക്ക് റേറ്റിൽ 471 റൺസ് സഞ്ജു നേടി.
ധ്രുവ് ജൂറലിനെ ബാക്കപ്പ് വിക്കറ്റ് കീപ്പറായി ഉൾപ്പെടുത്തി എങ്കിലും, പരമ്പരയിലെ സാംസൺ തന്നെ കീപ്പ് ചെയ്യും എന്ന് സൂര്യകുമാറിന്റെ വാക്കുകൾ സൂചിപ്പിക്കുന്നു.
