ലാലിഗയിലെ ബാഴ്സലോണയുടെ ഒന്നാം സ്ഥാനം നഷ്ടമാകാൻ സാധ്യത. അവർ ഇന്നലെ നടന്ന മത്സരത്തിൽ ലെഗനെസിനോട് പരാജയപ്പെട്ടു. ബാഴ്സയുടെ ഹോം ഗ്രൗണ്ടിൽ നടന്ന മത്സരത്തിൽ മറുപടിയില്ലാത്ത ഒരു ഗോളിനായിരുന്നു ബാഴ്സലോണയുടെ പരാജയം.
കളി ആരംഭിച്ച് നാലാം മിനുട്ടിൽ തന്നെ ലെഗനെസ് ലീഡ് എടുത്തു. സെർജിയോ ഗോൺസാലസ് ആണ് സന്ദർശകർക്ക് ആയി ഗോൾ നേടിയത്. ബാഴ്സലോണ പല വിധത്തിലും മുന്നേറ്റങ്ങൾ നടത്തി നോക്കി എങ്കിലും ബാഴ്സലോണക്ക് മറുപടിയായി ഒരു ഗോൾ പോലും നേടാൻ ആയില്ല.
ഈ പരാജയത്തോടെ ബാഴ്സലോണ 18 മത്സരങ്ങളിൽ നിന്ന് 38 പോയിന്റുമായി ലീഗിൽ ഒന്നാമത് തന്നെ നിൽക്കുന്നു. എന്നാൽ 17 മത്സരങ്ങളിൽ നിന്ന് 38 പോയിന്റുള്ള അത്ലറ്റിക്കോ മാഡ്രിഡും 17 മത്സരങ്ങളിൽ നിന്ന് 37 പോയിന്റുള്ള റയൽ മാഡ്രിഡും ബാഴ്സക്ക് തൊട്ടു പിറകിൽ ഉണ്ട്.
